MBC სესხს განმეორებით მომხმარებელთა 10%-ს გადაუვადებს

მიკროსაფინანსო ორგანიზაცია MBC სესხს განმეორებით მომხმარებელთა მხოლოდ 10%-ს გადაუვადებს.

როგორც კომპანიის დამფუძნებელმა „ბიზნესპარტნიორს“ განუცხადა, განაცხადების მიღება და განხილვა ჯერ-ჯერობით დასრულებული არ არის.

„სამწუხაროდ, მასშტაბურ გადავადებას მეორეჯერ ჩვენს მომხმარებლებს ვეღარ შევთავაზებთ. თუმცა, ინდივიდუალურად განვიხილავთ განაცხადებს და მათი შემოსავლებების ანალიზის საფუძველზე მოხდება გადაწყვეტილების მიღება იმასთან დაკავშირებით მივცემთ შეღავათს თუ ვერა. განხილვის პროცესი შეიძლება ვადაში გაწელილი იყოს. ყველა ერთდროულად არ მოგვმართავს. თუ პირველ ჯერზე სესხები მომხმარებელთა 70%- ს გადავუვადეთ, ამ ეტაპზე კომპანიის შესაძლებლობებიდან გამომდინარე, ჩვენს პორტფელში გადავადებული სესხების მოცულობა დაახლოებით 10% იქნება,“ - განმარტა გია პეტრიაშვილმა.

მისივე თქმით, არსებობს მოლოდინი, რომ სესხების გადავადების მოთხოვნა მომხმარებელთა მხრიდან მთელი წლის განმავლობაში, პანდემიის ეფექტის სრულად ამოწურვამდე გაგრძელდება.