m² უძრავი ქონების ობლიგაციებზე $19 870-ის გარიგება დაიდო

საფონდო ბირჟაზე m² უძრავი ქონების ობლიგაციებზე $19 870-ის გარიგება დაიდო.

ერთი გარიგების შედეგად 20 ობლიგაცია გაიყიდა, ნომინალური ღირებულება 993.53 დოლარი.

კომპანიის ობლიგაციებზე მაღალი მოთხოვნაა. ბოლო 2 თვეში m² უძრავი ქონების $116 246-ის ობლიგაციებით ივაჭრეს.

კომპანიამ საქართველოს საფონდო ბირჟაზე 35 მლნ დოლარის ობლიგაციები 2019 წლის ოქტომბერში განათავსა.

სამწლიანი ობლიგაციები აშშ დოლარშია დენომინირებული და მომხმარებელს მაღალ წლიურ საპროცენტო განაკვეთს, 7.5%–ს (გადასახადებით დაბეგვრამდე) სთავაზობს, რომლის გადახდაც 6 თვეში ერთხელ ხდება.