ლონდონის ბირჟაზე ქართული კომპანიების კაპიტალიზაცია 1.4 მლრდ ფუნტია

ლონდონის საფონდო ბირჟაზე ქართული კომპანიების კაპიტალიზაცია 1.4 მლრდ ფუნტია.

გასულ კვირას ბირჟაზე თიბისი ბანკის აქციებზე ფასი შემცირდა, საქართველოს ბანკის და საქართველოს კაპიტალის აქციები კი, გაძვირდა.

თიბისი კაპიტალის მონაცემებით, ლონდონის საფონდო ბირჟის პარასკევის სავაჭრო სესიაზე, თიბისი ბანკის ჯგუფის (TBCG LN) აქციები 11.20 ბრიტანულ ფუნტ სტერლინგზე, წინა კვირის მაჩვენებელზე 1.1%-ით დაბალ ნიშნულზე დაიხურა. კვირის განმავლობაში ვაჭრობის მოცულობა 136.5 ათას აქციას გაუტოლდა.

გასულ კვირაში საქართველოს ბანკის ჯგუფის (BGEO LN) 211.0 ათასი აქცია ივაჭრა, დახურვის ფასმა კი 10.84 ბრიტანული ფუნტი სტერლინგი (+2.5% კვ/კვ) შეადგინა.

საქართველოს კაპიტალის (CGEO LN) აქციები ლონდონის საფონდო ბირჟაზე გასულ პარასკევს 5.30 ბრიტანულ ფუნტ სტერლინგზე (+5.2% კვ/კვ) დაიხურა, ვაჭრობის მოცულობამ კი 274.0 ათასი შეადგინა.

თიბისი კაპიტალიზაცია 618 მლნ ფუნტია, ბოლო კვირაში კლება 1.1%-ია, საქართველოს ბანკის 211 მლნ ფუნტი (+2.5%), საქართველოს კაპიტალის 254 მლნ (+5.2%)