ლისი ლეიქ დეველოპმენტმა $10 მლნ -ის ობლიგაციები გამოუშვა
"ლისი ლეიქ დეველოპმენტი" $20 მლნ-ის ობლიგაციების გამოშვებაზე აცხადებს, $10-$10 მლნ-ის 2 ემისიით. ემიტენტმა 10 000 ცალი ($10 მლნ-ის) პირველი 2 წლიანი ობლიგაციებიების განთავსებაზე განაცხადა.განაკვეთი 8.5%-ია, ნომინალი $10 000.
განთავსების აგენტი "გალტ ენდ თაგარტია“. ფასიანი ქაღალდები საქართველოს საფონდო ბირჟის B ლისტინგში განთავსდება (როგორც იცით, ემიტენტი კომპანია (A, B ლისტინგი) საგადასახადო შეღავათებით არის წახალისებული, დივიდენდი და პროცენტი 5%-იანი მოსაკრებლისგან გათავისუფლებულია. გათვალისწინებულია საშემოსავლო შეღავათი საცალო აქციონერისთვის რეალიზაციით მიღებულ ნამეტზე (-20%), კორპორაციული აქციონერი (იურიდიული პირი) მოგების გადასახადისგან თავისუფლდება. ამასთან 0%-ია ემისიის მოსაკრებელი).
ობლიგაიები ვადამოსული ხდება 2024 წლის 23 დეკემბერს. მე-2 10 მლნ-იანი გამოშვების სავარაუდო პერიოდი 2023 წლის I ნახევარია.
აღნიშნულ ობლიგაციებში საპენსიო სააგენტო ინვესტირებას არ აპირებს (ფულს ამ ეტაპზე უფრო დაბალრისკიან ქაღალდებში დებს ).