ლარზე მოთხოვნა გაზრდილია

ოქტომბერში ნაღდ ფულზე მოთხოვნა 105 მილიონით გაზრდილია. სექტემბერში კი, სებ-ის თვის მიმოხილვის თანახმად 44 მილიონიანი მატება იყო. შედეგად მიმოქცევაში ლარის მოცულობა 5.6 მლრდ-მდე გაიზარდა (აგვისტოში 78 მილიონიანი ზრდა აღინიშნა). 

სექტემბერ-ოქტომბრისგან განსხვავებით, აგვისტოში სებ-ს სავალუტო ინტერვენციები არ განუხორციელებია. აუქციონებით სებ-მა მიმოქცევიდან 300 მლნ ლარამდე ამოიღო.

4 აუქციონზე (20/09-6/10) $150 მილიონი გამოიტანა, საიდანაც $110 მილიონი გაყიდა. ინტერვენციებით სებ-მა სისტემიდან 174 მილიონი ლარის ლიკვიდობა ამოიღო.

სებ-ის მიმოხილვით, სამთავრობო ოპერაციებით სექტემბერში სისტემას კიდევ 131 მლნ ლარის ლიკვიდობა დააკლდა, თუმცა რეფინანსირების სესხებით 800 მლნ ლარზე მეტი მიეწოდა.