ლარი კვირას მნიშვნელოვანი გამყარებით ასრულებს - $1 უკვე ₾2.9 ღირს

1 ივლისის ვაჭრობის შედეგად აშშ დოლარი გაუფასურდა და 2.9077 ლარი შეადგინა. დოლარის ცვლილებამ ეროვნულ ვალუტასთან მიმართებაში 2.06 თეთრი შეადგინა.

გაუფასურდა ევრო, რომლის კურსი 3.0403 ლარია. ევროს ცვლილებამ 1.01 თეთრი შეადგინა.

გაუფასურდა თურქული ლირა, რომელიც 0.1736 ლარს შეადგენს, ასევე გაუფასურდა ფუნტი და 3.5108 ლარი
ეღირება.

ლარი მყარდებოდა დღეს დილიდან Bloomberg-ის სავაჭრო სისტემაშიც და დღის ბოლოსთვის დოლარის ფასი უკვე 2.9-იან ნიშნულს ჩამოსცდა, ეს მაჩვენებელი მაისის მკვეთრი ვარდნის შემდეგ არ დაფიქსირებულა. დილიდან 1 დოლარის შეთავაზების ფასი 2.9268-იანი ნიშნულით დაიწყო და მას შემდეგ ქვემოთ მოდის.