ლარი გამყარდა, რუბლი გაუფასურდა

ლარი/დოლართან, მაისში 3.8%-ით გამყარდა. სებ-ის „თვის მიმოხილვით“, აპრილში კი ლარის საშუალო გაცვლითი კურსი 5.4%-ით გამყარებულია, $1/₾3.24-დან, $1/3.066-მდე.

ბოლო 10 დღეა კურსის ნიშნული 3-ს ჩამოცდა. სებ-მა ინტერვენციებიც კი დაიწყო შესყიდვის მიმართულებით.

აპრილში ბაზარს $40 მლნ-მდე მიაწოდა.იმავე თვეში ბიმეჩზე შესყიდვები დაიწყო. მცირე მოცულობებით $5 მლნ-მდე . მაისში კი უკვე  სავალუტო  აუქციონზე  $10 მლნ-იც შეისყიდა და მიმოქცევაში 30 მლნ -მდე ეროვნული ვალუტა გაუშვა. აპრილში მთლიანობაში, წმინდა უცხოური აქტივები $36 მილილონით შემცირდა.

აპრილის თვის საშუალო მაჩვენებლებით, საერთაშორისო სავალუტო ბაზრებზე ევრო დოლარის მიმართ - 1.4%-ით გაუფასურდა. საქართველოს ძირითად სავაჭრო პარტნიორ ქვეყნებიდან, თურქული ლირა /დოლართან 0.6%-ით გაუფასურდა, რუბლი 26%-ით და  სომხური დრამი - 5.5%-ით გამყარდა.