კრიპტოვალუტის ფასი იზრდება
კრიპტოვალუტის ფასი იზრდება. კოინმარკეტკეფის მონაცემებით, 1 ბიტკოინის ფასი 11 000 დოლარს გადაცდა. ბაზრის კაპიტალიზაცია კი 204.5 მლრდ-ს აღწევს.
ბაზრის მონაწილეები ფიქრობენ, რომ მსოფლიოს სხვადასხვა ქვეყანაში COVID 19-ის ფონზე სტიმულირების ღონისძიებები დოლარის გაუფასურებას გამოიწვევს, რაც კრიპტოვალუტაში ინვესტიციის დამატებით სტიმულირებას უზრუნველყოფს.
საქართველოში, როგორც მომხმარებლების, ასევე კრიპტოვალუტის ყიდვა-გაყიდვის მოცულობა ბოლო თვეებში 30%-ითაა გაზრდილი.
როგორც ქართული ბაზრის მოთამაშეები ამბობენ, 2017-18 წლებში კრიპტოვალუტაზე პიკური მოთხოვნისა და ვარდნის შემდეგ მოთხოვნა დღეს სტაბილურია.
იმის გამო, რომ საქართველოში კრიპტოვალუტის სფეროში რეგულაციები არ არის, ბაზარზე გარკვეული პრობლემებია, განსაკუთრებით ეს საერთაშორისო ტრანსფერებს ეხება. ამიტომ კომპანიები მარეგულირებელი ჩარჩოს შემოღებას ემხრობიან.
