კობა გვენეტაძე: სიტუაციას დავძლევთ და დავუბრუნდებით ზრდის მაღალ ტრაექტორიას

პოსტკრიზისულ პერიოდში ეროვნული ბანკის პრეზიდენტი ეკონომიკის ზრდის მაღალ ტრაექტორიაზე დაბრუნებას პროგნოზირებს.

კობა გვენეტაძემ გადაცემა „ბიზნესპარტნიორის ოთხეულში“ არსებულ ვითარებაზე და სებ-ის ნაბიჯებზე ისაუბრა და აღნიშნა, რომ დღეს უმთავრესია სწორი და რაც მთავარია, არაპოპულისტური ნაბიჯების გადადგმა.

„დარწმუნებული ვარ სწორი, გათვლილი, არაპოპულისტური ნაბიჯებით, რომელიც ითვალისწინებს მოკლევადიან პერიოდში საკითხების გადაწყვეტას და ამავე დროს, ფიქრს საშუალოვადიან პერიოდზე აუცილებლად მიგვიყვანს იქამდე, რომ დღევანდელ სიტუაციას დავძლევთ და დავუბრუნდებით ზრდის უფრო მაღალ ტრაექტორიას, ვიდრე გვქონდა აქამდე“, – აღნიშნა კობა გვენეტაძემ.

მისი თქმით, გარკვეული პერიოდის განმავლობაში სირთულეები იქნება, მაგრამ ეკონომიკის გახსნას და ძველი კავშირების აღდგენას ეკონომიკის აღდგენაც მოჰყვება.
„ყოველთვის არის ვიღაცა, რომელიც რაღაცას აკრიტიკებს“, – აღნიშნა კობა გვენეტაძემ.