კობა გვენეტაძე: საკრედიტო პორტფელის ხარისხი გაუმჯობესებულია
„პასუხისმგებლიანი დაკრედიტების პრინციპის ამოქმედების შემდეგ საკრედიტო პორტფელის ხარისხი გაუმჯობესებულია“, - ამის შესახებ ეროვნული ბანკის პრეზიდენტმა კობა გვენეტაძემ პარლამენტში საფინანსო-საბიუჯეტო კომიტეტის სხდომაზე განაცხადა, სადაც პენსიონერების სესხზე მაღალ საპროცენტო განაკვეთთან დაკავშირებით, ოპოზიციონერი დეპუტატების, ლევან იოსელიანისა და ალექსანდრე ელისაშვილის მოთხოვნით მოსმენა იმართება.
„პასუხისმგებლიანი დაკრედიტების პრინციპის ამოქმედების შემდეგ არ შემცირებულა სესხებზე ხელმისაწვდომობა, პორტფელის ხარისხი გაუმჯობესდა, მსესხებლები უფრო ინფორმირებულინი არიან რა სახის სესხის აღება შეუძლიათ, რომ პოტენციურად საფრთხე არ შეექმნათ მომავლაში სხვადასხვა შოკების შემთხვევაში“, - განაცხადა კობა გვენეტაძემ.
მისი შეფასებით, „პასუხისმგებლიანი დაკრედიტების ჩარჩოს ამოქმედებით, დღევანდელ გამოწვევებს მოქალაქეები უფრო ნაკლები ვალით ხვდებიან, ვიდრე სხვა შემთხვევაში შეხვდებოდნენ და უკეთესად უმკლავდებიან ამ სირთულეებს.
