ქართულმა კომპანიებმა 2021 წელი გაზრდილი კაპიტალიზაციით დაასრულეს

ქართულმა კომპანიებმა 2021 წელი მზარდი კაპიტალიზაციით დაასრულეს. 

ლონდონის ბირჟაზე განთავსებული სამივე კომპანიის კაპიტალიზაცია 121 მლნ ფუნტით, 2.069 მლრდ ფუნტამდე გაიზარდა.

საქართველოს ბანკის ჯგუფის (BGEO LN) აქციები დაიხურა 16.68 ბრიტანულ ფუნტ სტერლინგში (GBP), კვირის ჭრილში ზრდა 8.45%-ია, თვის განმავლობაში კი ზრდა 8.17% იყო. აქციების ფასი GBP 15.48 – 16.68 დიაპაზონშია. ვაჭრობის მოცულობამ 147 000 აქციაზე მეტი შეადგინა

Georgia Capital-ის (CGEO LN) აქციები დაიხურა 7.13 ბრიტანულ ფუნტ სტერლინგში (GBP), +12.28% წინა კვირასთან შედარებით და +11.76% გასულ თვესთან შედარებით. ფასი GBP 6.35 – 7.16 დიაპაზონში. ვაჭრობის მოცულობამ 77 000 აქციაზე მეტი შეადგინა

თიბისი ბანკის ჯგუფის (TBCG LN) აქციები დაიხურა 16.5 ბრიტანულ ფუნტ სტერლინგში (GBP), +2.23% წინა კვირასთან შედარებით, +6.04%-ით წინა თვესთან შედარებით. კვირის ვაჭრობა  GBP 16.16 – 16.60 დიაპაზონში. ვაჭრობის მოცულობამ 102 000 აქციაზე მეტი შეადგინა.

საქართველოს ბანკის ჯგუფის კაპიტალიზაცია 820 მლნ ფუნტია, თიბისის - 910 მლნ, Georgia Capital -ის 339 მლნ. გაზრდილია სამივე ქართული კომპანიის კაპიტალიზაცია.