ფინანსები
09/02/2021
ქართულ კორპორატიულ ევროობლიგაციებს შორის "საქართველოს რკინიგზას" საუკეთესო შედეგი აქვს
ქართულ კორპორატიულ ევროობლიგაციებს შორის, იანვარში "საქართველოს რკინიგზამ" საუკეთესო შედეგი აჩვენა.
Galt and Taggart-ის ანალიზით, „საქართველოს რკინიგზის“ ფასიან ქაღალდებზე გაზრდილი მოთხოვნის პარალელურად გაიზარდა ობლიგაციის ფასი და შესაბამისად 90სპ-ით შემცირდა შემოსავლიანობა. ამასთან რეგიონის სხვა სარკინიგზო კომპანიებთან არსებული სპრედებიც (სხვაობა) შემცირდა.
იანვარში ასევე კარგი შედეგები აჩვენეს Silknet, CGEOLN (GGU) და GEOCAP, რომელთა შემოსავლიანობა 30-44სპ დიაპაზონში შემცირდა.
იანვარში განსხვავებული იყო ინვესტორების განწყობები ქართული ბანკების ევროობლიგაციებზე - TBC 24–ზე შემოსავლიანობა 42სპ-ით დავარდა, ხოლო საქართველოს ბანკის ევრობონდის შემოსავლიანობა მცირედით გაიზარდა (+10სპ).
