ფინანსები
11/01/2022
"ჯიპიაი ჰოლდინგი" ბაზარზე არასიცოცხლის დაზღვევის ახალ პროდუქტებს გამოიტანს
„ჯიპიაი ჰოლდინგი“ 2022 წელს არასიცოცხლის დაზღვევის მიმართულების განვითარებას გეგმავს.
კომპანიის კომუნიკაციების დირექტორი თინა სტამბოლიშვილი „ბიზნესპარტნიორთან“ აცხადებს, რომ სიახლეების შეთავაზება მოხდება როგორც ავტომფლობელებზე, ისე მცირე და საშუალო ბიზნესისთვის ქონებისა და პასუხისმგებლობის დაზღვევის მიმართულებით.
„სწრაფი ტემპით გავაგძელებთ ციფრული ტრანსფორმაციის პროცესს, რომ მომსახურება კიდევ უფრო დახვეწილი, მარტივი და მომხმარებელზე მორგებული გავხადოთ.
მთავარი პრიორიტეტი მოხმარებისა და მომსახურების სისტემების დასტაბილურება და გამართვა იქნება, რომ კვლავ გავიდეთ მოგების მაჩვენებლის პოზიტიურ დინამიკაზე და შევინარჩუნოთ ლიდერის პოზიცია, რომელსაც ბოლო 5 წელია სტაბილურად იკავებს ჯიპიაი ჰოლდინგი,“ - აცხადებს სტამბოლიშვილი.
