ივლისში საკრედიტო რესურსი გაძვირდა

საკრედიტო რესურსი ისევ გაძვირდა.

ეროვნული ბანკის მონაცემებით, საბანკო სექტორში სესხებზე საშუალო შეწონილი საპროცენტო განაკვეთები ივლისში, 0.5%-ული პუნქტით გაიზარდა და 12.5%-ს მიაღწია.

უცხოური ვალუტის სესხებზე საშუალო წლიური განაკვეთი 6.2%-ია, ივნისში არსებული 6.5%-ის შემდეგ.

ლარის სესხების საშუალო განაკვეთმა კი, 15.6%-დან 15.9%-მდე მოიმატა.

ეროვნული ვალუტით სესხების საპროცენტო განაკვეთი ფიზიკური პირებისთვის 18.2%-ია, იურიდიული პირებისთვის  -  13.1%.

უცხოური ვალუტით ფულის სესხება გაცილებით იაფია, ასეთ კრედიტებზე საშუალო საპროცენტო განაკვეთი ფიზიკური პირებისთვის 3.3-ჯერ ნაკლებია  და წლიურ 5.4% -ს შეადგენს.

კომპანიებისთვის უცხოურ ვალუტაში სესხების საშუალო განაკვეთი 6.5%-ის დონეზეა.

შეგახსენებთ, 200 000 ლარს ქვემოთ სესხის გაცემა უცხოურ ვალუტაში შეზღუდულია, გამონაკლისი არიან არარეზიდენტი პირები.