ფინანსები
28/09/2023
II კვარტალში სესხის გამცემი სუბიექტების რაოდენობა შემცირდა
2023 წლის მეორე კვარტალში გასული წლის ანალოგიურ პერიოდთან შედარებით სესხის გამცემი სუბიექტების რაოდენობა შემცირდა. ამჟამად ბაზარზე 172 სესხის გამცემი სუბიექტი ოპერირებს. დასაქმებულთა საერთო რაოდენობა კი 2 298-ს შეადგენს.
ამასთან, ეროვნული ბანკის ინფორმაციით, სესხის გამცემი სუბიექტების წმინდა მოგება გასული წლის ანალოგიურ პერიოდთან შედარებით 7.7 მლნ ლარით გაიზარდა.
2023 წლის მეორე კვარტალში კომპანიების წმინდა მოგებამ 24, 9 მლნ ლარი შეადგინა. გასული წლის ანალოგიურ პერიოდში კი ეს მაჩვენებელი 17.2 მლნ ლარი იყო. 2022 წელი სესხის გამცემმა სუბიექტებმა 40 მილიონიანი ლარის წმინდა მოგებით დახურეს.
