HoReCa სექტორში პრობლემური სესხების წილი კვლავ ყველაზე მაღალ ნიშნულზეა
HoReCa სექტორში პრობლემური სესხების წილი კვლავ ყველაზე მაღალ ნიშნულზე რჩება.
სებ-ის სტატისტიკით, სავალუტო (აშშ დოლარი, ევრო) პორტფელში 13%-ია (367 მლნ ლარი), ლარის სესხების 10% (₾65 მლნ ) გაპრობლემებული რჩება. ყველაზე მაღალი 15%, 177 მლნ-ის აშშ დოლარშია, თუმცა მნიშვნელოვნად დაკლებულია. 2020-ის დეკემბრისთვის 19%-ს ( 220 მლნ ლარის) აღწევდა. უკეთესი მდგომარეობაა ევროს პოტფელში 10%-იანი "გაფუჭებით" (190 მლნ ლარის). კოეფიციენტი გასული წლის დეკემბრიდან მხოლოდ 1პპ-ით არის მომატებული.
| პერიოდი | ₾ | $ | € |
| 01.12.2021 | 12% | 15% | 11% |
| 01.12.2020 | 13% | 19% | 10% |
როგორც იცით, უმოქმედო სესხები (არასტანდარტული, საეჭვო, უიმედო) 100%-მდე სარეზერვო მოთხოვნით რეგულირდება.
სასტუმრო-სარესტორნე ბიზნესის დაკრედიტების წილი შემცირებულია. 1.12.2021-ის მდგომარეობით 2.044 მლრდ ლარია (წილი: 10.4%).
სამასპინძლო ბიზნესს რამდენიმე თვეა რაც ძირითადი შეზღუდვები მოეხსნა. 1-ლი ივლისიდან, კომენდანტის საათის გაუქმების შემდეგ კი სტუმრების 00:00 სთ-მდე გასტუმრების რეგულაცია მოქმედებდა. მწვანე პასპორტის შემოღებიდან (01.12.2021) კი შეზღუდვა მოხსნილია.
იურიდიული პირების დაკრედიტების საერთო მოცულობის 58% მხოლოდ 3 დარგზე - მრეწველობაზე, მშენებლობასა და ვაჭრობაზე მოდის.
| დარგი | H1/2021 | 01.12.2021 |
| ₾ მლრდ | ₾ მლრდ | |
| მრეწველობა | 4 484 997 | 4 656 872 |
| ვაჭრობა | 3 794 452 | 3 934 648 |
| მშენებლობა | 2 677 212 | 2 819 941 |
| ჰორეკა | 2 105 416 | 2 044 869 |
