გვენეტაძე: საბანკო სისტემა შოკებს სებ-ის არაპოპულარული გადაწყვეტილებების შედეგად უმკლავდება
ეროვნული ბანკის პრეზიდენტის შეფასებით, საბანკო სექტორი რუსეთ-უკრაინის ომის ფონზე შექმნილ მძიმე ვითარებას გაუმკლავდება.
კობა გვენეტაძის განცხადებით, სისტემამ პანდემიის შემდეგაც აქტივების ხარისხი მნიშვნელოვნად გააუმჯობესა.
"საბანკო სექტორმა პანდემიამდე არსებული ბუფერები თითქმის სრულად აღადგინა. მნიშვნელოვნად გაიუმჯობესა აქტივების ხარისხი, მდგრადია ბანკების საოპერაციო მომგებიანობა, სოლიდურია ლიკვიდობის ბუფერები. შესაბამისად, სისტემა მზად არის იმისთვის, რომ გაუმკლავდეს ამ გამოწვევასაც. მაგრამ ეს ყველაფერი არის იმის გამო, რომ ეროვნული ბანკი აკეთებს ყველაფერს, აანალიზებს სიტუაციას და დროულად იღებს გადაწყვეტილებას. ხშირ შემთხვევაში წინმსრწებ გადაწყვეტილებასაც იმისთვის, რომ ფინანსურ სტაბილურობას რისკები არ შეექმნას.
მაშინ, როდესაც ეროვნული ბანკი არ მიიღებს ასეთ გადაწყვეტილებებს, მაშინ, როდესაც საჭიროა მათი მიღება, დაიწყება რისკების დაგროვება. ეს კი ფინანსურ სტაბილურობას შეუქმნის რისკს. იმის მიუხედავად, რომ ეს გადაწყვეტილებები არ არის პოპულარული, მათი მიღება აუცილებელია. ზუსტად ამ გადაწყვეტილებების შედეგად ახერხებს საბანკო სისტემა კარგად გაუმკლავდეს შოკებს. მეტიც, ის ზრდის ლოკომოტივად დარჩეს",- განაცხადა გვენეტაძემ.
