გიორგი ფაილოძემ საქართველოს ბანკი დატოვა
გიორგი ფაილოძემ „საქართველოს ბანკი“ დატოვა.
გენერალური დირექტორის მოადგილე, წაყვან ბანკში პოსტს თებერვლიდან დაემშვიდობა, თუმცა ცვლილებები ოფიციალურად მხოლოდ მარტში დარეგისტრირდა.
გიორგი ფაილოძე „საქართველოს ბანკის“ გენერალური დირექტორის მოადგილედ კორპორაციული საბანკო საინვესტიციო საქმიანობის სფეროში 2019 წლის ივნისში დაინიშნა.
საქართველოს ბანკში მოსვლამდე გიორგი Evercore-ის - საბანკო საინვესტიციო საკონსულტაციო კომპანიის - ვიცე-პრეზიდენტი იყო. იგი მუშაობდა Evercore-ის ნიუ-იორკის (2015-2017) და ლონდონის (2017-2019 წლები) ოფისებში. Evercore-ში მისვლამდე გიორგი ფაილოძე ორი წელი მუშაობდა ნიუ-იორკში, Citigroup-ის კორპორაციულ და საბანკო საინვესტიციო დეპარტამენტში.
ფაილოძის წასვლასთან ერთად, საქართველოს ბანკის გენერალური დირექტორის მოადგილეებად ზურაბ ქოქოსაძე და ეთერ ირემაძე დაინიშნენ, რის შემდეგაც, არჩილ გაჩეჩილაძეს 7 მოადგილე ჰყავს.
ეთერ ირემაძემ „საქართველოს ბანკში“ კარიერა 2006 წელს დაიწყო, ზურაბ ქოქოსაძე საქართველოს ბანკს 2003 წელს შეუერთდა.
