GHG-ის ღირებულება $100 მლნ-ზე დაბლა დაეცა

„საქართველოს ჯანდაცვის ჯგუფის“ ღირებულება 100 მილიონზე დაბლა დაეცა.

გასული კვირის ბოლოს კლინიკების და სააფთიაქო ქსელების მფლობელი კომპანია 98 მლნ დოლარი ღირდა. გასულ წელთან შედარებით, „საქართველოს ჯანდაცვის ჯგუფის“ ღირებულება 67%-ით, წლის დასაწყისიდან კი, 39%-ით არის შემცირებული.

გასულ კვირას, საქართველოს ჯანდაცვის ჯგუფის (GHG LN) აქციები დაიხურა 0.75 ბრიტანულ ფუნტ სტერლინგში (GBP), -15.11% წინა კვირასთან შედარებით და -15.31% წინა თვესთან შედარებით. ვაჭრობის მოცულობამ 37 ათას აქციაზე მეტი შეადგინა, GBP 0.70 – 0.89 დიაპაზონში.

ლონდონში დალისტული ქართული კომპანიების აქციებზე ფასები იკლებს. 

4 კომპანიის ჯამური კაპტალიზაცია 1.066 მლრდ დოლარამდე შემცირდა. ფასები შემცირდა, როგორც საქართველოს ბანკის ჯგუფის (BGEO LN) აქციებზე (-9.15%), ასევე Georgia Capital-ის (CGEO LN) (-7.33%) და თიბისი ბანკის ჯგუფის (TBCG LN) (-2.63%) აქციებზეც.