GHG-ი "ა" და "ბ" კლასის აქციების ემისიას გეგმავს

“საქართველოს ჯანდაცვის ჯგუფი” შვილობილ კომპანიებში „ა“ და „ბ“ კლასის აქციებს გამოუშვებს და მენეჯმენტს და თანამშრომლებს აქციებით წაახალისებს.

სადაზღვევო კომპანია იმედი L, „გეფა“ (ჯიპისი, ფარმადეპო) „ევექსის კლინიკების“ და „ევექსის ჰოსპიტალების“ გაცხადებული კაპიტალი „ა“ და „ბ“ კლასის აქციებად უკვე დაიყო.

„ა“ კლასის, ხმის უფლების აქციები კომპანიების არსებულ აქციონერებს გადაცემათ, მათ შორის, „საქართველოს ჯანდაცვის ჯგუფს“, რაც შეეხება „ბ“ კლასის აქციებს, მათი ემისია გამიზნულია კომპანიის მენეჯმენტის ან თანამშრომელთა კომპენსაციის მიზნით.

იმ შემთხვევაში, თუ „ა“ კლასის აქციათა არანაკლებ 50%-ის მფლობელსა და „ბ“ კლასის აქციონერებს შორის გაფორმდება შეთანხმების ან ოფციის ხელშეკრულება, რომლის მიხედვით, მაკონტროლებელი აქციონერი გამოისყიდის აქციებს, მაშინ ეს აქციები „ა“ კლასის აქციებად დაკონვერტირდება.