ფინანსები
02/09/2020
გახარია: ₾200-იანი დახმარებების გადარიცხვა 1 კვირაში უნდა დასრულდეს
18 წლამდე ბავშვებისთვის 200-ლარიანი დახმარების გადარიცხვა დღეიდან დაიწყო.
პრემიერმა მოუწოდა ჯანადაცვისა და ფინანსთა სამინისტროებს სოციალური განაცემების გადარიცხვა 1 კვირაში დასრულდეს.
"ჯანდაცვის სამინისტროსა და ფინანსთა სამინსიტროში ევალებათ 1 კვირაში სრულად დასრულდეს მოქალაქეების ანგარიშებზე სოციალური განაცემების გადარიცხვა იმისთვის, რომ სოციალურ ფაქტორთან ერთად, მნიშვნელოვანია, ეს დახმარება მოქალაქეებმა მიიღონ სასწავლო წლის დაწყებამდე“, - განაცხადა გიორგი გახარიამ.
დახმარების მისაღებად ამ დროისთვის 857 000 ბავშვია დარეგისტრორებული.
რეგისტრაცია 1 დეკემბრამდე გაგრძელდება და ახალი განცხადებებიც ეტაპობრივად, უახლოეს პერიოდში დაკმაყოფილდება.
