ფინანსები
15/12/2022
ფულადი გზავნილები ნოემბერში 151%-ით გაიზარდა - ტრანსფერებით რუსეთი ლიდერობს
ნოემბერში ფულადი გზავნილები რეკორდულ ნიშნულზეა.
ქვეყანაში გადმორიცხულმა თანხამ 521 მლნ დოლარს გადააჭარბა და წინა წლის ანალოგიურ პერიოდთან შედარებით მაჩვენებელი 151%-ზე მეტად გაიზარდა.
გზავნილებში ქვეყნების მიხედვით, პირველ ადგილზე რუსეთია, საიდანაც 316 მლნ დოლარის ფულადი გზავნილია გადმორიცხული, 819%-ით მეტი ვიდრე შარშან ნოემბერში, ეს რუსეთიდან მიგრაციით არის განპირობებული, მეორე ადგილზე კი იტალიაა 36 მილიონი დოლარით, მესამე პოზიცია კი 29 მლნ-ით ამერიკის შეერთებული შტატები.
სებ-ის მონმაცემებით, უცხოეთიდან საქართველოში ფულადი გზავნილების 98.2% იმ 23 უმსხვილეს პარტნიორ ქვეყანაზე მოდის, საიდანაც გზავნილების მოცულობა ნოემბერში თითოეულზე 1 მლნ აშშ დოლარს აღემატებოდა. იმავე 23 ქვეყანაზე გასული წლის ნოემბერში მთელი ფულადი გზავნილების 92.4% მოდიოდა.