ეროვნული ბანკი რეზერვებს ივსებს - სებ-მა $20 მლნ იყიდა
სპეციალისტების მოლოდინის შესაბამისად, ლარის გამყარების ფონზე ეროვნულმა ბანკი რეზერვების შევსებას განაგრძობს.
სავალუტო აუქციონზე სებ-მა 20 მლნ დოლარი იყიდა. საშუალო შეწონილმა გაცვლითმა კურსმა 2.7186 შეადგინა.
ეს უკვე ბოლო ერთ კვირაში განხორციელებული მეორე ინტერვენციაა. 1-ელ აგვისტოს სებ-მა 10 მლნ დოლარი შეისყიდა (საშ.შეწ კურსი - $1/₾ 2.7514 შეადგინა). მანამდე კი სებ-მა 10 მლნ დოლარი 24 მაისს შეიძინა, ეს პანდემიის შემდეგ სავალუტო აუქციონზე დოლარის შეძენის პირველი შემთხვევა იყო.
პანდემიის გამო, ცენტრალური ბანკი სავალუტო აუქციონზე აქტიურად იყო წარმოდგენილი. COVID-ით გამოწვეული არასტაბილურობის ფონზე, სებ-მა 2020 წელს პირდაპირი ინტერვენციების გზით სავალუტო ბაზარს სულ დაახლოებით $916 მლნ დოლარი მიაწოდა, 2021 წელს კი 332.9 მლნ დოლარი.
ბოლო პერიოდის განმავლობაში მყისიერად მყარდება, Bloomberg-ის სავაჭრო სისტემაში 1 დოლარი 2.71 ლარად ივაჭრება.
