"ეროვნულ რეესტრს" ფასიანი ქაღალდების რეგისტრატორის ლიცენზია გაუუქმდება
"ეროვნულ რეესტრს" ფასიანი ქაღალდების რეგისტრატორის ლიცენზია უუქმდება.
კომპანია ლიცენზია ფასიანი ქაღალდების ბაზრის შესახებ საქართველოს კანონმდებლობით დადგენილი სალიცენზიო მოთხოვნების დარღვევის გამო, საქართველოს ეროვნული ბანკის ვიცე-პრეზიდენტის განკარგულებით, 21 დეკემბრიდან გაუუქმდება.
ემიტენტები, რომელთა ფასიანი ქაღალდების რეესტრსაც შპს "ეროვნული რეესტრი“ აწარმოებდა, ვალდებულნი არიან უზრუნველყონ ახალი რეგისტრატორის შერჩევა და მასთან ხელშეკრულების ამოქმედება არაუგვიანეს წინა ხელშეკრულების მოშლის დღისა, ხოლო შპს "ეროვნული რეესტრი“ ვალდებულია ფასიანი ქაღალდების რეესტრი და სათანადო დოკუმენტაცია გადასცეს ემიტენტს ან ემიტენტის მიერ შერჩეულ ახალ რეგისტრატორს.
პროცესი უნდა დასრულდეს 20 დეკემბრამდე.
ფასიანი ქაღალდების რეგისტრატორის საქმიანობას ახორციელებენ: სს კავკასრეესტრი; სს საქართველოს ფასიანი ქაღალდების გაერთიანებული რეგისტრატორი; სს სი ეს არ.
