დოლარი Bloomberg-ის სავაჭრო სისტემაში 2.7 ლარს ჩამოცდა

ლარი დოლარის მიმართ ისევ მყარდება. დილიდან ბლუმბერგის სავაჭრო სისტემაში 1 დოლარის ყიდვის შეთავაზებების ფასი 2 ლარსა და 70 თეთრს ჩამოცდა.

დილიდან 1 დოლარის შეთავაზების ფასი 2.70-იანი ნიშნულით დაიწყო და მას შემდეგ ქვემოთ მოდის, ამ დროისთვის კი დოლარი 2.6975 ლარად ივაჭრება. 

ეროვნული ვალუტა დოლარის მიმართ გამყარების ტრენდს ბოლო პერიოდი აქტიურად ინარჩუნებს, ამ ფონზე კი ეროვნულმა ბანკმა რეზერვების შევსება დაიწყო, ბოლო 2 კვირაში სავალუტო აუქციონზე სებ-მა 70 მლნ დოლარი შეიძინა, აქედან 40 მლნ დოლარი გუშინ. პარალელურად სებ-ს BMatch პლატფორმაზე 80 მლნ დოლარზე მეტი აქვს შეძენილი, ჯამში სისტემას სავალუტო ინტერვენციებით და BMatch-ზე ნავაჭრით 300 მლნ-ის ლიკვიდობა მისცა.