COVID-ის პირობებში სებ-მა წელს $269 მლნ-იანი ინტერვენცია განახორციელა
საქართველოში პანდემიით გამოწვეული არასტაბილურობის ფონზე, ეროვნული ბანკი სავალუტო ბაზარზე უფრო აქტიურადაა წარმოდგენილი.
სავალუტო აუქციონზე ეროვნულმა ბანკმა სულ $269 მლნ გაყიდა, აქედან 40 მლნ დღეს.
პანდემიის ფონზე, როგორც ბანკის პრეზიდენტმა არერთხელ აღინიშნა, ეროვნული ბანკი სავალუტო ინტერვენციებს წლის განმავლობაში უფრო აქტიურად განახორციელებს.
კობა გვენეტაძემ არაერთხელ აღნიშნა, რომ ახლა, როდესაც სავალუტო ბაზარზე არაორდინალური ვითარებაა, ბანკი უზრუნველყოფს ბაზრისთვის საჭირო ლიკვიდობის მიწოდებას როგორც უცხოური, ისე ეროვნული ვალუტით.
"გასულ წლებში ეროვნული ბანკი საერთაშორისო რეზერვებს აგროვებდა და ამ პოლიტიკის სარგებელი დღეს სახეზეა. სწორედ რეზერვების დაგროვების პოლიტიკამ გახადა შესაძლებელი, რომ ამ განსაკუთრებული ვითარების ფონზე, ინტერვენციების საშუალებით, ეროვნულმა ბანკმა ბაზარს დამატებითი სავალუტო რესურსი მიაწოდოს", - აცხადებს სებ-ი.
