BMatch-ზე სებ-ის შესყიდვები შემცირებულია
აგვისტო-სექტემბერში ნაღდი ფული მიმოქცევაში 5.750 მლრდ ლარამდე გაიზარდა. სებ-ის ინტერაქტიული სტატისტიკით, აქედან მხოლოდ სექტემბერში სისტემას 169 მილიონი ლარის ლიკვიდობა გამოეცალა. ბოლო დღეებში გამართულმა სავალუტო აუქციონებმა კი ლიკვიდობა კიდევ 175 მილიონი ლარით შეამცირა.
სულ, სებ-მა 3 აუქციონით, ბაზრისთვის ვალუტის მიწოდებით, მიმოქცევიდან 170 მილიონ ლარზე მეტი ამოიღო.
აშშ დოლარი ყველაზე იაფად ($1 - ₾2,6682) ბოლო, ორშაბათის აუქციონზე გაყიდა ($30 მლნ-დან, 7.6 მილიონი).
აგვისტოში ერთთვიანი და ერთკვირიანი რეფინანსირების სესხები არ გაცემულა. ერთდღიანი სესხი 20 მილიონი ლარით გაიზარდა. საანგარიშო პერიოდში, განთავსდა და დაიფარა 20-20 მლნ ლარის ნომინალური მოცულობის სადეპოზიტო სერთიფიკატები.
აგვისტოში სავალუტო ბაზარზე ყიდვა-გაყიდვების აქტივობები თითქმის მთლიანად სპოტ გარიგებებით შედგა (>99%) და $3 მილიარდი შეადგინა. ძირითადი ნაწილი (>90%) იურიდიულ პირებსა და
შინამეურნეობებზე, 1%-ის ფარგლებში, არარეზიდენტ ბანკებზე და 3.7% სებ-ზე მოდიოდა.
აგვისტოში BMatch-ზე სებ-ის წმინდა შესყიდვის მოცულობა 110 მლნ აშშ დოლარია (07/2023 - $278.5 მლნ).
სებ-ის წილი მთლიან ვაჭრობაში თვეების მიხედვით (2023)
| იანვარი | 4.9% |
| თებერვალი | 3.4% |
| მარტი | 7,2% |
| აპრილი | 10.8% |
| მაისი | 5.2% |
| ივნისი | 5.0% |
| ივლისი | 9.1% |
| აგვისტო | 3.7% |
წყარო: სებ-ი
