ბანკებს მოგება უმცირდება
2023-ის პირველი თვე 11 ბანკმა 199,3 მლნ ლარის მოგებით დაასრულა. წლიურად 7%-იანი კლებაა. (01/2022 - ₾ 213.8 მლნ).
შარშან იანვარში ასევე 11 ბანკი იყო მოგებაზე, მ.შ სანქცირებული ვითიბი, 4.3 მლნ ლარით, მე-4 ადგილზე პოზიციონირებდა.
01/2023-ისთვის ვითიბის ზარალი 1 მლნ-მდეა შემცირებული და მასთან ერთად, ზარალზეა აზერბაიჯანული პაშა ბანკი , 289 000 ლარით (01/2022 - ₾ 844 000) და სილქ ბანკი, რომლის იანვრის ზარალი 289 000 ლარია (01/2022 - ₾ 254 000).
უარყოფითი მაჩვენებელი აქვს ბაზარზე ახლადშესულ პეისერას (ციფრული ბანკი), რომელსაც საოპერაციო საქმიანობა ჯერ არ დაუწყია.
მნიშვნელოვანი ზდა აქვს კრედოს, ყოფილ მისოს, რომლის პორტფელი საპენსიო, სამომხმარებლო და ბიზნეს სესხებით არის გამსხვილებული.
ბანკები წმინდა მოგებით (₾)
|
01/2023 |
01/2022 |
BOGG |
87,484,000 |
97,713,000 |
TBC |
78,809,000 |
93,094,000 |
Credo |
8,056,000 |
1,395,000 |
LB |
6,055,000 |
4,468,000 |
Cartu |
4,944,000 |
448.000 |
BB |
4,073,000 |
3,070,000 |
Procredit |
3,849,000 |
2,652,000 |
Tera |
2,941,000 |
2,848,000 |
წყარო: კომერციული ბანკები
როგორც ცნობილია სებ-ს გაცხადებული აქვს IFRS-ზე გადასვლა (ანგარიშგების საერთაშორისო სისტემა), რომელიც gaap-ზე (სებ-ის მეთოდოლოგია) ლიბერალურია, ძირითადად დარეზერვების ნაწილში. „მეტობით“ დარეზერვებული, ანგარიშგების ცვლილებისთანავე „ამოტრიალდება“, ანუ ბუღალტრულად ბანკს უფრო მაღალი მოგება გამოუჩნდება და შესაბამისად, ბიუჯეტში გადასახდელიც, რომლის განაკვეთი 20%-მდეა გაზრდილი.
სექტორი ამ არხით კაპიტალზე 250 მლნ-ის დანაკლისს ელის, რაც შესაბამისად შეკვეცავს ეკონომიკის დაკრედიტებას.