ბანკების სასესხო პორტფელი ₾44 მლრდ-მდე გაიზარდა

ბანკების სასესხო პორტფელი ივნისში 0.534 მლრდ ლარით გაიზარდა და 1-ლი ივლისისათვის 43.65 მლრდ ლარს აღწევს.

ეროვნული ვალუტით გაცემული სესხების მოცულობა 452.74 მლნ ლარით, უცხოური ვალუტით გაცემული სესხების მოცულობა კი 81.87 მლნ ლარით გაიზარდა.

რეზიდენტი იურიდიული პირებისათვის 2022 წლის ივნისის ბოლოს, კომერციულ ბანკებს ეროვნული ვალუტით გაცემული ჰქონდათ 6.82 მლრდ ლარის, უცხოური ვალუტით 13.40 მლრდ ლარის სესხი.

ივნისში 229.41 მლნ ლარით გაიზარდა რეზიდენტი შინამეურნეობების სექტორის დაკრედიტების მოცულობა და 1-ლი ივლისისათვის 22.58 მლრდ ლარი შეადგინა.

მთლიანი სესხების ლარიზაციის კოეფიციენტმა 51.37 პროცენტი შეადგინა, მაჩვენებელი გაიზარდა 0.41%-ული პუნქტით.