ბანკების საკრედიტო პორტფელი იანვარში 48 მლნ ლარით შემცირდა

ეროვნული ბანკის მონაცემებით, საბანკო სექტორში დეპოზიტების მოცულობამ 2021 წლის პირველი თებერვლისთვის 34.88 მლრდ ლარი შეადგინა, რაც წინა თვესთან შედარებით 247.8 მლნ ლარით, ანუ 0.72%-ით მეტია; გაცვლითი კურსის ეფექტის გარეშე დეპოზიტების მატებამ 0.34% შეადგინა.

იანვარში გაიზარდა ვადიანი დეპოზიტების ზრდას 625.96 მლნ ლარით, ხოლო მოთხოვნამდე დეპოზიტები 378.12 მლნ ლარით შემცირდა.

დეპოზიტების ლარიზაციის კოეფიციენტმა მიმდინარე წლის პირველი თებერვლისათვის 38.55% შეადგინა. პირველი იანვარის მდგომარეობასთან შედარებით, დეპოზიტების ლარიზაცია შემცირდა 0.06%-ული პუნქტით (გაცვლითი კურსის ეფექტის გამორიცხვით გაიზარდა 0.08%-ული პუნქტით.

უცხოური ვალუტით განთავსებულ დეპოზიტებში აშშ დოლარის წილმა 84.15%, ხოლო ევროს წილმა 14.47% შეადგინა. აღსანიშნავია, რომ დეპოზიტებისგან განსხვავებით, იანვარში ბანკების საკრედიტო პორტფელი 48 მლნ ლარით შემცირდა.