ბანკების რეიტინგი კაპიტალზე მომგებიანობით

საბანკო სექტორის მომგებიანობა კაპიტალზე (ROE), 1-ლი ნოემბრისთვის 25.6%-ია. შარშან 40%-მდე იყო (10m/2021 - 31.9%), თუმცა მაშინ სანქცირებული ვითიბის შვილობილ ბანკს კაპიტალზე 22.5%-მდე უკუგება ჰქონდა, ახლა 30%-იანი ზარალი აქვს.

3 ბანკს (BOGG; TBC, LB) სისტემურობის ბუფერისთვის კაპიტალი მეტობით მოეთხოვება +2.5%; +2.5%; +1.5%, თუმცა ახალი წლიდან ლიბერთის 1%-მდე უმცირდება. ხოლო TBC/BOGG-დან, რომელიმეს წილი დეპოზიტებში, თუ 40%-ს გადააჭარბებს, მოთხოვნა 2.5%-დან 3%-მდე აიწევს.

მსხვილკაპიტალიანი ბანკების რეიტინგში მე-3 პოზიციას არაბი შეიხების ბანკი იკავებს. მას მოყვება გერმანული საბანკო ჯგუფის წევრი და ჩინური ჰუალინგ ჯგუფის ბაზისბანკი.

ქართულ საბანკო სექტორში უცხოური კაპიტალი  10.7 მლრდ ლარამდეა გაზრდილი (2021 – ₾ 9.8 მლრდ). ადგილობრივი კაპიტალით - 327 მლნ ლარი, ბაზარზე ერთი ბანკია -ქართუ.

ბანკები ROE-ს მიხედვით

საქართველოს ბანკი   - 32.87%

თიბისი ბანკი           - 30.48%

ტერა ბანკი               - 20.88%

პროკრედიტ ბანკი      - 18.44%

ბაზისბანკი                - 17.94%

ლიბერთი ბანკი          - 16.85%

კრედო                      - 14.47%