ბანკების მიერ დასაკუთრებული ქონება 22 მლნ ლარით გაიზარდა

2021 წლის იანვრის მონაცემებით, კომერციული ბანკების მიერ დასაკუთრებულმა ქონებამ 250.1 მლნ ლარი შეადგინა, - ამის შესახებ საქართველოს ეროვნული ბანკის "საფინანსო სექტორის მიმოხილვაშია" ნათქვამი.

უფრო კონკრეტულად კი, წლიურად, ბანკების მიერ დასაკუთრებული ქონების ღირებულება 22 მლნ ლარით გაიზარდა. აღსანიშნავია, რომ გასული წლის იანვარში ეს მაჩვენებელი 228.1 მლნ ლარი იყო.

ამასთან, 2021 წლის იანვრის მონაცემებით, ჩამოწერილი სესხების მოცულობამ 10.6 მლნ ლარი შეადგინა, მაშინ როცა გასული წლის ამავე პერიოდში ჩამოწერილი სესხეობის რაოდენობამ 15.4 მლნ ლარი შეადგინა.

სებ-ის საფინანსო სექტორის მიმოხილვის თანახმად, იანვარში 4.8 მლნ ლარის მოცულობის ჩამოწერილი სესხის ამოღება მოხდა, 2020 წლის ანალოგიურ პერიოდში კი ეს მონაცემი 4.9 მლნ ლარი იყო