ბანკები MREL მოთხოვნებს წინმსწრებად ასრულებენ
MREL -ის (დაშვებული ვალდებულებებისა და კაპიტალის ინსტრუმენტების მინიმალურ მოთხოვნა) შესრულება საბანკო სექტორს არ გაუჭირდება, - ბანკების ლობის შეფასებით აღნიშნული ვალდებულების შესასრულებლად სებ-ის გაწერილი ვადა საკმარისია.
საქართველოს საბანკო ასოციაციის პრეზიდენტმა ალეკო ძნელაძემ აღნიშნა, რომ ჩარჩო- რეზოლუცია, რომელიც სსფ -სა და მსოფლიო ბანკის რეკომენდაციებით რამდენიმე წლის წინ შემუშავდა, ასევე ითვალისწინებდა სარეზოლუციო ფონდის შექმნას, თუმცა წინმსწრებად არა, როგორც საკანონმდებლო ცვლილებების განახლებულ ვერსიაშია.
სარეზოლუციო ფონდში პირველადი შენატანები ბანკებმა 2025 წლიდან უნდა დაიწყონ. თავდაპირველად 300 მლნ ლარის ფარგლებში შეგროვდება და ყოველწლიურად დეპოზიტების დაზღვევის ფონდის პროპორციულად გაიზრდება.
MREL, სტრესულ სიტუაციში, სექტორის დაცვითი მექანიზმის ნაწილია. სებ-ს დისკრეციას აძლევს, ბანკის მოზიდული სახსრები კაპიტალში წაიღოს.
ამ მიზნით გამოსაყენებელი სახსრებია, ანუ კონვერტირებადი რესურსია "დაშვებული ვალდებულებები", რომელშიც მოიაზრება საფინანსო ინსტიტუტებისგან (მაგ: EBRD, IFC ...) ნასესხები სახსრები, მ.შ. ბონდები.
ამ კატეგორიის ვალდებულებების და კაპიტალის ინსტრუმენტების შეფარდება საზედამხედველო კაპიტალსა და მთლიან ვალდებულებებთან (MREL განაკვეთი) 01.01.2024-დან 10%-ით, 01.01.2026-დან 15%-ით განისაზღვრება სისტემური ბანკებისთვის, რა სტატუსიც ამ დროისთვის 3 ბანკს აქვს.
2026 წლისთვის თუ მეტი იქნება მეტს მოუწევს, თუ ნაკლები ნაკლებს.
