არჩილ გაჩეჩილაძე: ლიკვიდობის ნაკლებობა უფრო დიდ შოკს გამოიწვევს ვიდრე მეტობა
„ლიკვიდურობის შეზღუდვა გამოიწვევს ბევრად უფრო დიდ პრობლემებს და შოკებს, ვიდრე არ შეზღუდვა, რადგან არ შეზღუდვით, როცა მოთხოვნა-მიწოდების დისბალანსია, ეს შეიძლება ფასით დარეგულირდეს: რეფინანსირების განაკვეთით ან იმ მარჟით, რომელიც შესაძლოა დაედოს სვოპებს, სხვადასხვა შემთხვევაში“, - განაცხადა საქართველოს ბანკის CEO-მ არჩილ გაჩეჩილაძემ ბიზნესპარტნიორში (საზმაუ).
ბანკირის თქმით, ბაზარზე ლარის მიწოდების შეზღუდვის მოტივით, ლიკვიდურობა არ უნდა შეიზღუდოს. პირიქით, ლიკვიდურობა უნდა არსებობდეს და დარეგულირდეს ფასით.
მან რეფინანსირების სესხების გაზრდილი პორტფელიდან მომდინარე საფრთხეების უსაფუძლობაზეც აღნიშნა. მისი განმარტებით, ლიკვიდურობის მხარდამჭერი ნებისმიერი რესურსი, რომელიც არსებობს, მნიშვნელოვანია, მათ შორის ლარში.
როგორც გაცხადდა, სებ-მა ლარის ლიკვიდობის მიწოდების ერთი ინსტრუმენტი - ერთვიანი სვოპები შეწყვიტა, მე-2 ვადით აღარ გაახანგრძლივა. უფრო ზუსტად, პანდემიაში ამოქმედებულ ინსტრუმენტს ძირითადი და დამატებითი ვადა ამოწეურა. თუმცა როგორც სებ-ში აცხადებენ, ბაზარს ლიკვიდობის მიწოდების სხვა ინსტრუმენტები რჩება, მათ შორის მცირე და საშუალო ბიზნესდაკრედიტების მხარდამჭერი, ასევე რეფინანსირების ერთ-კვირიანი სესხები. მალე ბაზარზე გამოჩნდება ქონებით უზრუნველყოფილი ბონდებიც.
სვოპის გაუქმებით ბაზარს აპრილში ლარის ლიკვიდობა 238 მლნ ლარით შეუმცირდა.
