არაადგილობრივი კომპანიების დაკრედიტება 10-ჯერ შემცირდა

არარეზიდენტი იურიდიული პირების დაკრედიტება, თვის ნაკადი, 14 მლნ ლარამდეა შემცირებული  (L/m - 192 მლნ ლარი)

სებ-ის ინტერაქტიული სტატისტიკით, ბოლო სააანგარიშო თვეს, აგვისტოში, არაადგილობრივ ფიზიკურ და იურიდიულ პირებზე, სულ 60 მლნ ლარის სესხებია გაცემული, ძირითადად (77%) უცხოურ ვალუტაში.

60,1 მილიონიდან 50 მლნ-მდე საცალო კრედიტებია. კომპანიების დაკრედიტების მნიშვნელოვან კლებას ფინანსისტები რამდენიმე მიზეზით ხსნიან: შპს-ების ნაწილმა რეზიდენტობა მიიღო, ნაწილის, შესაძლოა წინა პერიოდის ზრდას, ერთჯერად  ტრანზაქციებს უკავშიდებოდეს. სავარაუდოდ არარეზიდენტი იურიდიული პირებისთვის სესხები მოკლე ვადით გაიცემოდა.

სასესხო პროდუქტების სიჭარბით, გამოირჩევა აპრილი. სხვა ქვეყნის რეზიდენტ იურიდიულ პირებზე 278 მლნ ლარის სესხებია გაცემული, 35 მლნ ლარის მოცულობით კი ფიზიკური პირებისთვის. 

01.09.2023 -ის მდგომარეობით, სესხების ნაშთი 1.4 მლრდ ლარია, მ.შ. ₾643 მლნ საცალოა, 803 მლნ ლარის კი ბანკების არარეზიდენტ იურიდიულ პირებზე მოდის.