ფინანსები
09/10/2020
24-30 სექტემბრის კვირაში ფულადი გზავნილები 18%-ით გაიზარდა-თიბისი კაპიტალი
თიბისი კაპიტალის კვირის მიმოხილვის მიხედვით, 24-30 სექტემბრის პერიოდში ფულადი გზავნილები წ/წ 18%-ით გაიზარდა.
შემოდინებები აზერბაიჯანიდან და უკრაინიდან ძლიერ ზრდას აჩვენებს.ასევე, ზრდის მაღალ ტემპს ინარჩუნებს შემოდინებები ჩრდილოეთ ამერიკიდან. რუსეთიდან შემოდინებების ზრდის ტემპი კვლავ ნეგატიურია. ახლო აღმოსავლეთის ქვეყნებიდან (თურქეთის ჩათვლით) შემოდინებების ზრდის ტემპი 24-30 სექტემბრის პერიოდში
კვლავ უარყოფითი გახდა. სომხეთიდან შემოდინებების წლიური ცვლილება დადებით ნიშნულს დაუბრუნდა.
შემოდინებების ზრდა ევროკავშირიდან და დიდი ბრიტანეთიდან წინა კვირასთან შედარებით შემცირდა, მაგრამ კვლავ ზრდის ორნიშნა ტემპს ინარჩუნებს.
