საქართველომ Socar-ის ვალი დაფარა
საქართველომ Socar-ს დავალიანება ერთიანად გაუსტუმრა - აზერბაიჯანულ კომპანიასა და საქართველოს შორის ბუნებრივი გაზის შესასყიდი ფასის შემცირების შეთანხმებაზე ახალი დეტალი ხდება ცნობილი.
როგორც "სოკარ ენერჯი ჯორჯიას" გენერალური დირექტორი აზერბაიჯანულ მედიასთან განმარტავს, შეთანხმების გაფრორმებისას ნაბიჯები გადადგა როგორც Socar-მა, ასევე საქართველომაც. უფრო კონკრეტულად, საქართველომ კომპანიის მიმართ დავალიანება, რომელიც 4 წლის განმავლობაში უნდა გადაეხადა, ერთიანად დააბრუნა.
კომპანიაში ასევე ამბობენ, რომ ძველი ფასი მაღალი იყო და არ ასახავდა არსებულ რეალობას.
შეგახენებთ, 17 დეკემბერს გაფორმებული შეთანხმებით, საქართველო სოკარისგან გაზის ნაწილს შეღავათიან ფასად შეიძენს. შეღავათი ეხება 200 მლნ კუბ. მეტრს. 2020 წლის პროგნოზით, საქართველო სოკარისგან ჯამში მილიარ 400 მილიონის კუბურ მეტრზე მეტ გაზს ყიდულობს, ქვეყნის ჯამური მოხმარება კი, 2,5 მლრდ კუბ. მეტრია.
