მთავრობამ ელექტროენერგიის მოხმარების საპროგნოზო მაჩვენებელი ისევ შეამცირა

მთავრობამ ელექტროენერგიის მოხმარების საპროგნოზო მაჩვენებელი ისევ შეამცირა. თუ 2019 წლის ბოლოს ეკონომიკის სამინისტრო 2020 წელს 13.994 მლრდ კილოვატსაათი ელექტრონერგიის მოხმარებას ელოდა, ბოლო განახლებით, წლის ბოლომდე მოხმარების მაჩვენებელი 12.5 მლრდ კვტ.სთ იქნება, რაც თავდაპირველ მაჩვენებელზე 10.3%-ით, ანუ თითქმის 1,5 მლრდ-ით ნაკლებია.

მოხმარების მაჩვენებელი შემცირებულია მაისის პროგნოზთან შედარებითაც. ამ შემთხვევაში კლება 4.7%-ს შეადგენს.

ელექტროენერგიის მოხმარება კორონავირუსის პანდემიის ფონზეა შემცირებული. კლებაა გამომუშავებაც, თუ წლის დასაწყისში 13.3 მილიარდ კილოვატსაათზე მეტი უნდა ყოფილიყო გამომუშავება, ახლა ეს მაჩვენებელი 11.7 მილიარდს შეადგენს.