მთავრობა კომპანია K-WATER-ს 2022 წლის ბოლომდე აძლევს ვადას, "ნენსკრა-ჰესთან" დაკავშირებით განახლებულ პირობებს დათანმხდეს და პროექტის განხორციელება გააგრძელოს. წინააღმდეგ შემთხვევაში ხელშეკრულების გაუქმება იგეგმება. 

"სამწუხაროდ, "ნენსკრა-ჰესის" პროექტი თავის ვადებში ვერ შესრულდა, ინვესტორმა კომპანიამ სხვადასხვა მიზეზის გამო ვალდებულებები ვერ შეასრულა. K-WATER-ს წლის დასაწყისიდან კიდევ ერთი შანსი მივეცით. დავიწყეთ მოლაპარაკებების პროცესი, განვაახლეთ პირობები. სატარიფო პოლიტიკის ნაწილში სახელმწიფოს ჰქონდა სრული უფლება, მოეთხოვა უკეთესი ტარიფი გამომუშავებულ ელექტროენერგიაზე. ვფიქრობ, ეს სამართლიანია, კომპანიამ ამდენი ხანი ვალდებულებები ვერ შეასრულა და განუხორციელებელი პროექტით საქართველოს ეკონომიკა დააზიანა. იმედი მაქვს, კომპანიის ხელმძღვანელობა ამ შემთხვევაში აღმოჩნდება მზად და მოქნილი, რომ მიიღოს საქართველოს მთავრობის მიერ შეთავაზებული პირობები და განაგრძოს პროექტის განხორციელება, რაც ისევ საქართველოს ენერგეტიკული ინტერესებიდან არის გამომდინარე. 

პირდაპირ და ძალიან მკაფიოდ ვაცხადებ, მოკლე დროში უნდა შევთანმხდეთ განახლებულ პირობებზე, ან ძალიან მკაფიოდ უნდა იყოს განსაზღვრული, რომ კომპანია პირობებს ვერ შეასრულებს და დავიწყოთ ხელშეკრულების შეწყვეტი პროცესი. ჩვენი განწყობაა, გავაგრძელოთ მუშაობა, განვახორციელოთ პროექტი, მაგრამ ძალიან მნიშვნელოვანია, რომ კომპანიის მხრიდან პროექტის რეალურად განსახორცილებლად მზადყოფნა იყოს. წლის ბოლომდე უნდა შევთანმხდეთ, რადგან მომავალ წელს მეტი დრო აღარ გვექნება, პროექტი აუცილებლად უნდა განხორციელდეს", - განაცხადა ეკონომიკის მინისტრმა ლევან დავითაშვილმა.