გაიზრდება თუ არ წლის ბოლოდან გაზის ტარიფი
სემეკის თავმჯდომარის გაცხადებით, ქვეყანაში გაზის ტარიფების მატება მოსალოდნელი არ არის.
მარეგულირებელმა კომისიამ ბუნებრივი აირის ტარიფები წლის ბოლოსთვის უნდა დაადგინოს. დავით ნარმანიას თქმით, ყველა გაზგამანაწილებელმა კომპანიამ კომისიას ტარიფების გადახედვის მოთხოვნით უკვე მიმართა.
„ამ ეტაპზე მიმდინარეობს კომპანიების ხარჯების დეტალური აუდიტი, განაცხადი შემოტანილი აქვს „თბილისი ენერჯის“, „სოკარს,“ „საქორგაზს“ და სხვა მცირე კომპანიებს. ასევე წარმოდგენილია მათი საინვესტიციო გეგმებიც, თუმცა არსებული კურსის პირობებში ტარიფების ზრდას არ ველოდებით,“ - აღნიშნა დავით ნარმანიამ.
მისივე თქმით, ზამთრის სეზონისთვის ქვეყანა მომარაგებს ნაწილში სრულ მზადყოფნაშია.
„ბუნებრივი აირის მოწოდებასთან დაკავშირებით გრძელვადიანი ხელშეკრულება არსებობს და აზერბაიჯანიდან ხდება ბუნებრიბვი აირით ქვეყნის მომარაგება. შესაბამისად, ამ თვალსაზრისით როგორც მოსახლეობა, ისე კომერციული სექტორი და თბოსადგურები, რომლებიც გაზზე მუშაობენ, უწყვეტად მიიღებენ ბუნებრივ აირს,“ - განმარტა ნარმანიამ.
