აჭარისწყალი ჯორჯია: ჩვენი პრიორიტეტი ადგილობრივი მოსახლეობის დასაქმებაა

შუახევი ჰესი ენერგეტიკის სექტორში ერთ-ერთი უმნიშვნელოვანესი პროექტია , რომელმაც ქვეყანას 187 მეგავატი სიმძლავრე და 550 მილიონი დოლარის ინვესტიცია მოუტანა.

როგორც  კომპამნია "აჭარისწყალი ჯორჯიას“ აღმასრულებელმა დირექტორმა, სატიშ ბჰარტიმ გადაცემა "ბინზესი რუსთავი 2-ს“ განუცხადა, ჰესი დაახლოებით 4% - ით ზრდის ელექტროენერგიის შიდა წარმოებას, რის გამოც საქართველოს ენერგეტიკისთვის ერთ-ერთი უმნიშვნელოვანესი ობიექტია.

როგორც სატიშ ბჰარტი აღნიშნავს, "აჭარისწყალი“ ქვეყანაში ერთ-ერთი ყველაზე მსხვილი დამსაქმებელია.

"შუახევის ჰესის მშენებლობის ეტაპზე, 1000-ზე მეტი საქართველოს მოქალაქე დასაქმდა. მათი უმრავლესობა კი ხულოსა და შუახევში მცხოვრები ადგილობრივები იყვნენ.

ოპერირების ეტაპზე, კომპანიაში 80-მდე ადამიანი მუშაობს და ჩვენს პრიორიტეტად კვლავ ადგილობრივი მოსახლეობის დასაქმება რჩება. შუახევ ჰესს მართავენ ახალგაზრდა ქართველი ინჟინერები, რომელთა ნაწილი მშენებლობის ეტაპზეც ჩართული იყო," -აცხადებს კომპანია "აჭარისწყალი ჯორჯიას“ აღმასრულებელი დირექტორი.

კომპანიის მთავარი მიზანი, შუახევი ჰესის არეალში მცხოვრები ადამიანების ცხოვრების დონის გაუმჯობესებაა, რის გამოც რეგიონში 150 სოციალური პროექტია განხორციელებული. ასევე 50-ზე მეტი მცირე ბიზნესი დაფინანსდა და საბოლოო ჯამში, განხორციელებული სოციალური პროექტების, როგორიცაა განათლება, ცნობიერების ამაღლებისა და ინფრასტრუქტურული მხარდაჭერის ბიუჯეტმა დაახლოებით 8 მილიონ ლარს შეადგინა.

აღსანიშნავია, რომ "აჭარისწყლის“ მფლობელები ნორვეგიული კომპანია  Clean Energy Invest და ინდური TaTa Power-ია. გარდა ამისა, შუახევი ჰესი საქართველოსთვის ერთადერთი პროექტია, რომლესაც ფინანსური უზრუნველყოფა სამმა უმსხვილესმა ფინანსურმა ინსტიტუტმა, ევროპის რეკონსტრუქციისა და განვითარების ბანკმა, აზიის განვითარების ბანკმა და საერთაშორისო საფინანსო კორპორაციამ გაუწია.