თიბისი კაპიტალი 2021 წელს ეკონომიკის 10.5%-იან ზრდას ელის

საქართველოს მშპ-ის ზრდა მოსალოდნელზე ძლიერია - ამის შესახებ თიბისი კაპიტალი აცხადებს.

ამ რეალობიდან გამომდინარე, საინვესტიციო კომპანია, ვარაუდობს, რომ წელს რეალური ზრდა დაახლოებით 10.5% იქნება, 2022 წელს კი - 6.5%.

კვლევის თანახმად, 2019 წელს ტურიზმიდან მიღებული შემოსავლების 40% 2021 წელს აღდგება, 2022 წლის მაჩვენებელი კი 2019 წლის 90%-ს მიაღწევს.

როგორც თიბისი კაპიტალის კვლევაშია მითითებული, ეკონომიკის ზრდა მხოლოდ ნაწილობრივ არის განპირობებული ტურისტული შემოსავლების აღდგენით. ეკონომიკის აღდგენის ერთ-ერთი მთავარი წინაპირობა ვაქცინაციაა.

"საქართველოს ტურიზმის აღდგენისთვის მნიშვნელოვან ქვეყნებში ვაქცინაცია არათანაბრი ტემპით მიმდიარეობს - ისრაელში და ევროკავშირის ქვეყნებში პროცესი - სწრაფი, ახლო რეგიონის ქვეყნებში კი ნელი ტემპით. საქართველოში მოსახლეობის 5,6%-მა უკვე მიიღო ვაქცინის ერთი დოზა მაინც. 30%-ს კი გარკვეული ბუნებრივი იმუნიტეტი აქვს ვირუსის წინააღმდეგ", - ნათქვამია კვლევაში.