თელავის აეროპორტი პირველ მგზავრებს 2024 წელს მიიღებს

თელავის აეროპორტის ინფრასტრუქტურის აღდგენაზე, ლევან დავითაშვილმა, მინისტრის საათზე  დეპუტატების კითხვებზე საპასუხოდ განაცხადა. 

ეკონომიკის მინისტრის ინფორმაციით, კერძო მესაკუთრისგან სახელმწიფომ წილი გამოისყიდა და იზრუნებს ინფრასტრუქტურის განვითარებაზე. ასაფრენი ზოლი 1 700 მ-მდე დაგრძელდება. 

ინფრასტრუქტურის მოწყობა 2024 წლის I ნახევარში მოხერხდება და ფრენების დაწყებაც მომავალ წელს იგეგმება. თავდაპირველად შიდა ფრენები შესრულდება. ქუთაისში, ბათუმსა და მესტიაში.

თელავის აეროპორტის აღდგენის სამუშაოებზე 25 მილიონი ლარის დაფინანსებაა გათვალისწინებული. ამასთან, აეროპორტი ჩაერთვება სუბსიდირების პროგრამაში, რომელსაც სახელმწიფო შიდა ფრენებისთვის მომავალ წელს გეგმავს. 

ამასთან, პარალელურად ჩატარდება კვლევები, რამდენად აქვს თელავის აეროპორტს საერთაშორისო რეისების მიღების პერსპექტივა.