თებერვალში ექსპორტი 60%-ით გაიზარდა

თებერვალში საქართველომ ექსპორტზე 429 მლნ დოლარის პროდუქცია გაიტანა, რაც წლის ამ თვისთვის რეკორდული მაჩვენებელია.

ექსპორტიდან მიღებული შემოსავლები 2021 წლის თებერვალთან შედარებით 60%-ით არის გაზრდილი, 2020 წლის ამავე თვესთან შედარებით კი, 62%-ით. ზრდაა ყველა სხვა წელთან შედარებითაც.

„საქსტატის“ ექსპრეს მონაცემებით, იანვარ-თებერვალში საექსპორტო კალათამ 760.4 მლნ დოლარი შეადგინა, წლიური ზრდა წლიურ 54.5%-ია და ასწრებს იმპორტის 49%-იან ზრდას.

ექსპორტის ზრდის მიუხედავად მაინც მაღალ ნიშნულზეა უარყოფითი სავაჭრო სალდო რაც მთლიანი ბრუნვის - 2.5 მლრდ დოლარის 40.1%-ია.