TBC Capital: ლარის კიდევ უფრო მეტი გაუფასურება ნაკლებად სავარაუდოა

TBC Capital-ის მთავარი ეკონომისტი უკრაინა–რუსეთის ომისგან გამოწვეულ შედეგებსა და მოლოდინებზე საუბრობს.

მისი თქმით, მართალია მხოლოდ ეკონომიკური კუთხით, მაგრამ შედარებით ნაკლები უარყოფითი ზეგავლენა ლარის ასევე ნაკლებ გაუფასურებაში უნდა აისახოს.

მოლოდინების შესაბამისად, წინა კვირაში ლარი დოლართან, ნეგატიური მოლოდინების გამო, მნიშვნელოვნად გაუფასურდა. არაა გამორიცხული რომ გაუფასურებამ უკვე პიკს მიაღწია.

TBC Capital–ი ტრადიციულად, ლარის კურსს რამდენიმე ფაქტორის გათვალისწინებით აფასებს. კერძოდ: 1. სავალუტო შემოდინებაგადინების ბალანსი, 2. ლარის საშუალო კურსი ძირითად სავაჭრო პარტნიორებთან და 3. ინფლაციის პროგნოზი.

"ერთი კვირის წინ, დაგვიანებული გადაწყვეტის სცენარში 2022 წელს წმინდა სავალუტო შემოდინებების დანაკლისი დაახლოებით $550 მლნ–ად გვქონდა შეფასებული, რაც ძირითადად საქონლით სავაჭრო ბრუნვის, ტურიზმის, გზავნილებისა და ასევე დეპოზიტების უფრო მეტად ვალუტაში განთავსების და სესხების უფრო მეტად ლარში აღების შეფასების შედეგს წარმოადგენდა, რადგანაც პირდაპირი უცხოური ინვესტიციების მხრივ აქტივობა ისედაც დაბალ დონეზე იყო მოსალოდნელი.

ასევე, ვალების გადახდის მხრივ რაიმე მნიშვნელოვანი საჭიროება თუ პრობლემა სახეზე არ იყო და სადღეისოდაც არ არის. ამავდროულად გასათვალისწინებელია, რომ ეს დანაკლისი ლარის მხოლოდ 3.15-მდე ან მცირედით უფრო მეტად გაუფასურებას გულისხმობდა. ახლა, მხოლოდ შედარებით, მაგრამ მაინც უკეთესი მაკროეკონომიკური სცენარისა და ლარის კურსის 3.35 ნიშნულის გათვალისწინებით, რაც იმპორტს, თუმცა ასევე ჩვენი აზრით ეკონომიკის ზრდას ამცირებს, დანაკლისი როგორც ჩანს სულ მცირე განახევრებულია და ეროვნული ბანკისა და მთავრობისათვის გაცილებით უფრო მართვად ოდენობას შეადგენს. ამდენად, ამ არგუმენტის გათვალისწინებით, ლარის გამყარებაა მოსალოდნელი."–ნათქვამია ანარიშში.

ასევე, ლარის საშუალო კურსის მხრივ, თურქული ლირის გარეშე, მისი გამყარება არ იკვეთება და კონკურენტუნარიანობის საქართველოს კონტექსტში ზოგადად სუსტი არგუმენტი, TBC Capital–ის აზრით, ძალაში არ არის.

მთავარი ეკონომისტის ვარაუდით, არსებული მაკროეკონომიკური სცენარის გათვალიწინებით, ლარის კიდევ უფრო მეტიგაუფასურება ნაკლებად სავარაუდოა. უფრო მეტიც, არაა გამორიცხული, რომ მისი არსებული დონე უკვე ზედმეტად გაუფასურებულად შეფასდეს და ეროვნული ბანკის მხრიდან სავალუტო ინტერვენციებს, ლარში საპროცენტო განაკვეთების აწევას, საჯარო კომუნიკაციასა და ლარის კურსის მხარდამჭერი სხვა ინსტრუმენტების გამოყენებას ჰქონდეს ადგილი.