სებასტიან მოლინეუსი იმედოვნებს, საქართველო "ვარსკვლავური რეფორმატორის“ სტატუსს შეინარჩუნებს
მსოფლიო ბანკის რეგიონული დირექტორი სამხრეთ კავკასიაში სებასტიან მოლინეუსი იმედოვნებს, რომ ქვეყანა „ვარსკვლავური რეფორმატორის“ სტატუსს პანდემიის პირობებშიც შეინარჩუნებს.
„მჯერა, რომ წარსულში გატარებულმა რეფორმებმა, საქართველო ძლიერ და მდგრად ქვეყნად ჩამოაყალიბა. ამის დამსახურებაა, რომ ის მომზადებული შეხვდა კრიზისს. ქვეყანამ შეძლო გადაერჩინა უამრავი ადამიანის სიცოცხლე, ეზრუნა მედპერსონალის დაინფიცირებისგან დაცვაზე, ასევე მედპერსონალისთვის ხელმისაწვდომი იყო საიმედო აღჭურვილობა. განხორციელებულმა ინვესტიციებმა, ქვეყანაზე, ცალსახად, დადებითი გავლენა იქონია და უკვალოდ რეფორმებს არ ჩაუვლია,“ - აცხადებს სებასტიან მოლინუსი.
საერთაშორისო საფინანსო ორგანიზაციის წარმომადგენელი რეკომენდაციის სახით საინვესტიციო კლიმატის გაუმჯობესებას ასახელებს, რათა ქვეყანა კიდევ უფრო მიმზიდველი გახდეს საერთაშორისო პარტნიორებისთვის.
ის იმედოვნებს, რომ საქართველო სამომავალოდ უფრო მდგრადი ეკონომიკით წარსდგება და კრიზისი, რომელიც ამჟამად სახეზეა, წარმატებულად დაიძლევა.
