ეკონომიკა
27/06/2023
საქსტატმა სოფლის მეურნეობის სტატისტიკის პორტალი წარადგინა
სოფლის მეურნეობის სტატისტიკისა და სასურსათო ბალანსების შესახებ ინფორმაციას, მომხმარებელი ერთ სივრცეში მიიღებს. საქსტატმა სოფლის მეურნეობის სტატისტიკის პორტალი წარადგინა, სადაც მარტივად აღსაქმელი ფორმით თავმოყრილია სტატისტიკური ინფორმაცია.
პორტალი მომხმარებელს შესაძლებლობას აძლევს გრაფიკებისა და ვიზუალიზაციის თანამედროვე ელემენტების მეშვეობით მოახდინოს სოფლის მეურნეობის სტატისტიკის მონაცემთა ანალიზი. პორტალი ხუთი მოდულისგან შედგება: მემცენარეობა, მეცხოველეობა, აკვაკულტურა, სასურსათო ბალანსები და ზოგადი ინფორმაცია. ცნობისთვის სოფლის მეურნეობის სტატისტიკის პორტალი საქსტატში აშშ-ს სოფლის მეურნეობის დეპარტამენტის ტექნიკური და ფინანსური მხარდაჭერით მომზადდა.
