საქსტატი: ექსპორტის 47% საერთაშორისო ბაზრებზე საზღვაო ტრანსპორტით გადაიზიდება

"საქსტატის" მონაცემებით, ქართველი ექსპორტიორები საერთაშორისო ბაზრებთან წვდომისთვის ძირითადად საზღვაო და საავტომობილო ტრანსპორტს იყენებენ. ტრანსპორტის ამ ორ ჯგუფზე მთლიანი ექსპორტის 90%-ზე მეტი მოდის.

უფრო კონკრეტულად, 2021 წელს საზღვაო ტრანსპორტით $2 მლრდ–ის პროდუქციის ბაზრებზე გატანა მოხდა, რაც  მთლიანი ექსპორტის 47 % -ია. საავტომობილო გზით $1.8 მლრდ–ის პროდუქციის ტანსპორტირება მოხდა, მთლიანი ექსპორტის 43%-ის. მცირეა სარკინიგზო და საჰაერო საექსპორტო ტვირთები.

ექსპორტი ტრანსპორტის სახეების მიხედვით

• საზღავო - $2 მლრდ
• საავტომობილო - $1.8 მლრდ
• სარკინიგზო - $0.16 მლრდ
• საჰაერო - $0.22 მლრდ
• სულ ექსპორტი - $4.2 მლრდ

აღსანიშნავია, რომ ბოლო 5 წლიან პერიოდში ( 2017-21 წწ) ვითარება 2020 წლიდან შეიცვალა. ამ დრომდე ექსპორტის უდიდესი წილი საავტომობილო გადაზიდვებზე მოდიოდა.