საქართველოს საგარეო ვალი $8.048 მლრდ-ს აღწევს

საქართველოს საგარეო ვალი 2021 წლის 1 სექტემბრის მონაცემებით, $8.048 მლრდ-ს აღწევს, მაჩვენებელი ერთ თვეში $45 მლნ-ით არის გაზრდილი, წლიურად კი - თითქმის $1.3 მლრდ-ით.

საგარეო ვალში მთავრობის ვალი 7.57 მლრდ-ია.

ქვეყნის ყველაზე მსხვილი კრედიტორები საერთაშორისო ბანკები არიან: აზიის განვითარების ბანკი, ევროპის საინვესტიციო ბანკი, WBRD, ასევე მსოფლიო ბანკი და მის ჯგუფში შემავალი საერთაშორისო ორგანიზაციები.

საერთაშორისო საფინანსო ინსტიტუტების გარდა ქვეყანას ორმხრივი კრედიტორი ქვეყნები ჰყავს, ასევე 500 მლნ-იანი ევრობონდები. 

საშინაო ვალის ჩათვლით კი, სახელმწიფო ვალის მოცულობა 30.5 მლრდ ლარს აჭარბებს.