საქართველოს ნავთობის და გაზის სექტორში ინვესტიციები 17%-ით გაიზარდა
2022 წელს საქართველოს ნავთობის და გაზის სექტორში ინვესტიციები 17%-ით გაიზარდა.
როგორც „ბიზნესპარტნიორს“ ნავთობის და გაზის სააგენტოს დირექტორმა განუცხადა, ინვესტიციების ძირითადი ნაწილი მოდის სხვადასხვა კომპანიაზე - გასულ წელს ინტესიური სამუშაოები ჩატარდა ახალი ე.წ. გვერდითი ლულის ჭაბურღილების გაბურღვაზე.
„ეს ის მეთოდია, რომელიც ალბათ, დღეს სჭირდება დამუშავებაში მყოფ ჩვენს საბადოებს და შედეგიც, როგორც უკვე ვნახეთ გამოჩნდა - მკვეთრად მოიმატა გაზის მოპოვებამ - დაახლოებით 80%-ით. იმატა სახელმწიფო წილის ნავთობმაც 20-22%-ით“ - აცხადებს გიორგი ტატიშვილი.
მიუხედავად იმისა, რომ გასულ წელს სექტორს ახალი ინვესტორი არ ჰყოლია, ნავთობის და გაზის სააგნეტოში მოლოდინი აქვთ, რომ 2023 წელს სხვადასხვა მიმართულებით მნიშვნელოვანი ზრდა იქნება.
„ლიცენზიანტი კომპანიებს 2023 წლის უკვე დამტკიცებული ბიუჯეტები გვაძლევს იმის თქმის საშუალებას, რომ წელს ინვესტიციების რაოდენობა კიდევ უფრო გაიზრდება და იმედი გაქვს, რომ ზრდა გვექნება ნავთობის და გაზის სახელმწიფო წილის მოცულობისაც“ - აცხადებს გიორგი ტატიშვილი.
